ውድብ ጥዕና

ዓለማዊ ውድብ ጥዕና ናይ ዓሶ መድሃኒት ንመፈወሲ ኮሮና ቫይረስ ንኸይውዕል ኣጠንቂቁ

ዓለማዊ ውድብ ጥዕና ናይ ዓሶ መድሃኒት “ሃይድሮክሲክሎሪን” ንመፈወሲ ኮሮና ቫይረስ ንኸይውዕል ንዘሕለፎ መምርሒ፡ ሃገራት ኤውሮጳ ከተግብሮኦ ጀሚረን። ዓላማዊ ውድብ ጥዕና ነዚ መምርሒ ዘሕለፈ፡ ኣብ ብዙሓት ሃገራት ብዝተገብረ ፈተነ፡ እቶም “ሃይድሮክሲ-ክሎሪን” ዝተዋህቦም ግዳያት ኮሮና ቫይረስ፡ ካብ’ቶም ነቲ መድሃኒት ዘይወሰዱ ዝያዳ ንሞት ከምእተቓልዑ ድሕሪ ምርግጋጹ’ዩ።
ናይ ዓሶ መድሃኒት ምዃኑ ዝፍለጥ ሃይድሮክሲ ክሎሪን ፡ ሕማም ኮረና ቫይረስ ንምፍዋስ ከገልግል ከምዝኽእል ብሓደ ፈረንሳዊ ሓኪም ድሕሪ ምግላጹ ፡ ብርክት ዝበሃላ ሃገራት ክጥቀማሉ ከም ዝጀመራ ይፍለጥ። ኣሉታዊ ሳዕቤኑ ተራእዩ ክኽልከል ዓለማዊ ውድብ ጥዕና ንዝሃቦ ሓበሬታ ድማ ብዘይካ ኣሜሪካ ፡ ዳርጋ ኩላተን ሃገራት ኤውሮጳ ከተግብራኦ ጀሚረን ኣለዋ።